Fundurin varð hildin í MBF húsunum. Møtt vóru 21 fólk umframt tríggir gestir úr Scleroseforeningen i DK.
Marianna Simonsen, sum hevur verið nevndarlimur í nógv ár, ynskti at leggja frá sær. Vit takka Mariannu fyri tað stóra arbeiðið, sum hon hevur gjørt í felagnum. Vit koma at sakna hana og ynskja henni alt tað besta.
Næstformaður og kassameistari stóðu fyri vali. Krista Hvannastein var afturvald sum næstformaður og Petra Nysted bleiv afturvald sum kassameistari.
Peter J. Jensen og Jonhild Kjærbo vóru vald sum nýggir tiltakslimir og vit ynskja teimum at vera hjartaliga vælkomin í nevndina og gleða okkum at arbeiða saman við teimum.
Formansfrágreiðingin kann lesast her
Aftaná fundin var fyrilestur við Peter Kauffeldt, sum er formaður í Scleroseforeningen í DK undir heitinum:
"Hvor kom vi fra - og hvor er vi på vej hen". Hann greiddi frá søguni um MS.
Fundurin var samstundis 30 ára føðingardagur felagsins, so vit fingu kaku o.a. og fundurin endaði við einum góðum bita eisini.
Síðani aðalfundin hevur nevndin havt fund og hevur skipað seg soleiðis:
Mogens Eriksen, formaður
Krista Hvannastein, næstformaður
Katrin Lindberg Hansen, skrivari
Petra Nysted, kassameistari
Annika Festirstein, nevndarlimur
Peter J. Jensen, nevndarlimur
Súsanna Laksáfoss, tiltakslimur
Jonhild Kjærbo, tiltakslimur