Tveir føroyingar, Alfred Hummeland og Regin Reinert Petersen, súkkla við í Cykelnerven, sum er Danmarkar harðasta vælgerðarátaki og tann ultimativa ítróttarliga avbjóðingin á tveimum hjólum. Hvørt ár melda 250 súkklarar seg til at súkkla tey avgerandi Tour de France fjøllini til tess at savna inn pening til gransking í sclerosu.
Kampurin móti sclerosu er langur og í mótbrekku fyri tey knapt 18.000 fólkini í Føroyum og Danmark, sum í dag liva við hesi sjúku, og teirra familjur. Ein kampur, tey ikki megna at vinna einsamøll.
Tí taka súkklararnir í Cykelnerven hvørt ár hesa avbjóðingina upp, og súkkla víðagitnu fronsku fjallatindarnar til tess at savna inn pening til gransking í hesa ólekjandi sjúku.
Sum sponsorur til súkklararnir í Cykelnerven gevur tú øllum við sclerosu eina ómetaliga hjálp á vegnum til tað stóra málið: Ein heimur uttan sclerosu.
Til tað fer at eydnast, arbeiðir sclerosufelagið í Føroyum saman við tí danska sclerosufelagnum fyri at betra um lívið hjá teimum nærum 18.000 fólkunum í Føroyum og Danmark og teirra familjur, sum berjast við sjúkuna hvønn dag.
Tað er fyri teimum og teirra vón um eina bjartari framtíð, sum vit í Cykelnerven kempa fyri á teimum á teimum fronsku fjallatindunum.
-----------------------------------------------------------
- Kendi danski súkklarin og ambassadørur fyri Cykelnerven Dennis Ritter, sigur soleiðis:
”Cykelnerven kørere lige i hælene på de største personligheder i Tour de France-historien. Her får man som rytter lov til at træde i pedalerne på de præcis samme bjergsider som stjernerytterne.
Alle rytterne på holdet deler en passion for cykling og et ufatteligt stærkt sammenhold. For mig er det en stor ære at få lov til at køre med”
Hvussu kann ein stuðla súkklarunum?
Møguleiki er at stuðla súkklarunum, við at trýsta ein av knøttunum og flyta eina upphædd umvegis Visa kort.
Til ber eisini at flyta pening á hetta konto nr. Reg. nr.4440 Konto nr. 4370210306
Vinarlig viðmerk hvønn stuðla verður.
Les meira um tiltaki á www.cykelnerven.dk
HVAT ER SCLEROSA?
Knapt 18.000 fólk í Føroyum og Danmark liva í dag við sjúkuavgerðini Multipel Sclerosu. Hetta talið er tvífalt so høgt sum fyri bara 20 árum síðani, og hvørt ár fáa áleið 600 nýggj staðfest sclerosu. Tvey av trimum eru kvinnur, og tey flestu fáa sjúkuavgerðina, tá tey eru millum 20 og 40 ár.
Sclerosa (MS) er ein kronisk, ólekjandi neurologisk/nervasjúkufrøðilig sjúka, har immunverjan loypir á og brýtur niður nervakyknurnar í heila og mønu.
Tá nervatægrirnar verða skaddar, kunna tær ikki senda greið signal til kroppin. Fólk við sclerosu uppliva tí ofta merkisórógv (føleforstyrrelser), trupulleikar við sjónini, lammilsi ella sonevnd kognitiv sjúkueyðkenni sum trupulleikar við at minnast og hugsavna seg.
Enn er ongin heilsubót móti sclerosu, og bert helmingurin av teimum við sclerosu fáa munagóða viðgerð fyri teirra sjúku. Nýggj gransking er tí umráðandi fyri at skapa vitan, sum kann tryggja betri heilivág og steðga tí negativu gongdini.
Tí enn veit ongin heilt ítøkiliga, hví onkur fær sclerosu – og onnur ikki.
Les meira um sclerosu á https://www.sclerosufelag.fo/n%C3%BDggj-ur-vi%C3%B0-sclerosu og www.scleroseforeningen.dk/hvad-er-sclerose
