Aftur í ár var heilsurenningin saman við Bragdinum.
Sclerosufelagið hevði sett tjald upp á Kongabrúnni og bjóðaði kaffe, te og kakur.
Eisini var møguleiki at keypa sær húgvu, berinet og helsi, við búðmerkinum hjá felagnum á. Veðri var gott og nógv fólk høvdu melda seg til heilsurenningina.
Mong nýti møguleikan at vitja tjaldið og fáa eitt prát.
Sclerosufelagið hevði eitt gávukort frá Atlantic Airways, ið bleiv lutað burtur í millum tey, sum vóru meldaði til heilsurenningina. Eisini handaði Sclerosufelagið Bragdinum ein gávu, afturfyri tað góða samstarvið, sum vit hava havt við tey í samband við heilsurenningina.
