Um felagið

Felagið var stovna 27. mars 1979 og bleiv tann 22. apríl 2007 av tí danska Scleroseforeningen.
Sclerosufelagið er nú ein teimum 46 lokal avdeilingum hjá Scleroseforenigen.

Endamál

Endamál felagsins er at kunna um sjúkuna og virka fyri, at tey sclerosuraktu og avvarðandi kunnu koma saman til felags áhugamál.

Limaskapur

Av tí at Sclerosufelagið er ein lokal avdeiling hjá Scleroseforeningen, so eru okkara limir partir av Scleroseforeningen. 
Tú kann gerast limur í felagnum við at melda teg til við at klikka her, ella við at seta teg í samband við formann felagsins. 

Limarfundir

Felagið hevur fund umleið fýra ferðir um árið.Á skránni hava vit til dømis verið ymsir fyrilestrar, sum fólk við serligum innliti í Multibel Sclerosu hava hildið.Felagið plagar at skipa fyri jólahugna, og ofta hava vit um summarið verið eina útferð.

Hesir limafundir verða kunnaðir her á heimasíðuni, við teldupostið, við brævaskiftið og á okkara Facebook síðu.

Tilboð

Sclerosuraktir limir hava møguleika at gera brúk av sosialráðgeva felagsins og sálarfrøðingi. Útreiðslurnar verða goldnar av danska sclerosufelagnum. Limir hava eisini møguleika at ringja og tosa við ein lækna, sum er í starvi hjá danska sclerosufelagnum. Læknin hevur servitan um sjúkuna og trupuleikar, sum standast av henni. 

Okkara tilboð kunnu síggjast undir "Ráðgeving og hjálp"

Bløð og faldarar

Allir limir fáa blaðið ”Lev med sclerose”, sum danska sclerosufelagið gevur út fýra ferðir um árið. Umframt hetta, so gevur Scleroseforeningen eisini út fleiri faldarar um ymisk viðurskifti í samband við sjúkuna. Á føroyskum er faldarin ”Tá mamma ella pápi hava sclerosu” teldutøkur á heimasíðuni. 

Frítíðarferðir

Danska sclerosefelagið hevur 44 hús í Grenå, sum øll eru innrættaði við atliti at lætta um hjá ferðandi, sum eru rørslutarnað. 
Tað ber til at søkja um stuðul til flutning til "Dronningens Ferieby", við at skriva til sclerosufelag@sclerosufelag.fo 
Sí heimasíðuna: http://www.dronningensferieby.dk/

Samband

Formaður felagsins: 
Hallur Thomsen
undir Bjørgum 6.0vm 400 Oyrarbakki
tlf.  59 87 83 (Svarar gerandisdagar frá kl. 16 til 20. Um átrokandi boð, send eini sms ella ein teldupost og tú verður ringdur uppaftur.)
sclerosufelag*sclerosufelag.fo

Forretningsorden.pdf   Starvsskipan hjá Scleroseforeningen